Orixes e Evolución

Aínda que a inclusión de materias específicas de informática en titulacións universitarias como Físicas, Matemáticas, Empresariais e algunhas enxeñarías comezan no ano 1965 e seguintes, e mesmo se introducen especialidades como "Cálculo Automático" nalgunhas desas titulacións, é só a comezos do ano 1969 cando se produciu un fito moi salientábel en informática coa creación, con sede en Madrid, do Instituto de Informática, dependente do Ministerio de Educación e Ciencia, o que tornou oficial finalmente o ensino no campo da Informática (Decreto 554/69). Posteriormente, en 1971 e 1972 creanse en San Sebastián e en Barcelona respectivamente, ambos centros delegados do Instituto de Informática, o último con sede na Universidade Autónoma de Barcelona.

Non entanto, as orixes dos estudios universitarios oficiais de Informática en España comezan no ano 1976, cando por Decreto 593/76, de 4 de marzo, son creadas no estado español as primeiras Facultades de Informática nas Universidades Politécnicas de Madrid (UPM) e Barcelona (UPC) e na Universidade de Valladolid, esta última con sede en San Sebastián (actualmente Universidade do País Vasco, UPV/EHU). Dándose así cumprimento ó establecido no Decreto 327/76, de 26 de febreiro, sobre estudios de Informática, polo que se procedía á estruturación dos ensinos de Informática dentro do sistema educativo español, creándose a nivel de Educación universitaria as Licenciaturas en Informática, para seren ensinadas nas Facultades correspondentes. É a partir do curso académico 1977-1978 cando se aproban os respectivos Plans de estudios e póñense en marcha estas Licenciaturas, primeiro neses tres centros decanos que agora conmemoran o seu 40 aniversario e, devagariño, no resto do país. Nese mesmo ano 1976, a Escola de Informática de Deusto foi erixida canónicamente Facultade de Informática e obtivo o recoñecemento oficial como tal en 1979.

Con posteridade, os estudios de Licenciatura en Informática foron sustituidos polos de Enxeñaría en Informática (Decreto 1459/1990), cos que quedaron de feito homologados en 1994 (Decreto 1954/1994). Finalmente, as enxeñarías deron lugar ás actuais titulacións de Grado e Máster (RD 1393/2007) co fin de armonizar os sistemas universitarios europeos, no marco do proceso de construcción do Espacio Europeo de Educación Superior.

É por iso que a CODDII celebra este ano a consolidación e madurez destes estudios e da profesión de enxeñaría en informática, complementando así os actos conmemorativos que se están a realizar nos propios centros.