2017-2018 ikasturtean informatika-ikasketa ofizialen 40. urteurrena ospatzen dugu unibertsitatean. Bizitzaz betetako 40 urte izan dira, lanbide berri bat finkatu dugu, informatika-ingeniaritzarena, iraultza sozial, industrial eta ekonomiko baten protagonista eztabaidaezina dena, digitalizazioa ekarri diguna. Aldaketa hau gauzatu duten profesionalak unibertsitateko gure eskaintza honetatik sortutakoak dira. Horregatik antolatzen dugu ekitaldi hau, 40 urte horiek ematen duten heldutasunari gorazarre egiteko, lanbide honek erronka hori arrakastaz gainditu duelako.
Informatika-Ingeniaritzako Dekano eta Zuzendarien Konferentziak (CODDII), unibertsitateko hezkuntza mailan informatika lantzen duten aktore nagusien izenean, enpresetako eta lanbideko ordezkari nabarmenekin lankidetzan, mugarri historiko hau ospatu nahi du oroitzapen-ekitaldi batekin aurten Donostian ospatzen den bere urteko Batzar Nagusiaren markoan. Ospakizun honetan parte hartzeko gonbidatzen zaitugu akademiaren, enpresaren eta lanbidearen eskutik.
1965tik informatikazko irakasgaiak unibertsitateko zenbait titulaziotan sartu baziren ere (Zientzia Fisikoak, Matematikak, Empresa-Ikasketak eta zenbait ingeniaritzak), edo "Kalkulu Automatikoa"-ren moduko espezialitateak azaldu baziren ere, 1969ko hasieran izan zen egiazko mugarria Informatika Institutua sortu izan zenean, Hezkuntza eta Zientzia Ministerioaren mendekoa, Informatikazko irakaskuntza ofiziala emateko (554/69 dekretua).
Hala ere, Informatikazko unibertsitate-ikasketa ofizial osoak 1976an hasi ziren Espainian, martxoaren 4ko 593/76 dekretuan Espainiako estatuan sortzen dira lehen Informatika-Fakultateak Madrileko eta Bartzelonako Unibertsitate Politeknikoetan (UPM eta UPC) eta Valladolideko Unibertsitatean, azken honen egoitza Donostian zegoen eta laster Euskal Herriko Unibertsitatearen (EHU) parte izango zen. Horrela, otsailaren 26ko 327/76 dekretuak Informatika-ikasketei buruz ezarri zuena betetzen zen estatuko hezkuntza-sistemaren barruan; Informatikako Lizentziaturak sortzen ziren hori irakasteko espreski sortu ziren hiru informatika fakultateetan. 1977-1978 ikasturtetik aurrera ikasketa-planak onartu ziren eta lizentziaturak abiarazi, orain haren 40. urteurrena ospatzen duten hiru zentro aitzindari haietan hasieran, eta gero, arian arian, estatuko gainerakoetan. 1976an bertan, Deustuko Informatika Eskola zena kanonikoki onartua izan zen Informatika Fakultate moduan, eta geroago 1979an aintzatespen ofiziala lortu zuen.
Ondoren, 1990an informatikako lizentziaturak Informatika-Ingeniaritzak bihurtu ziren (1459/1990 dekretua), eta guztiz homologatuta geratu ziren 1994an (1954/1994 dekretua). Azkenean, 2007an ingeniaritzek bide eman zieten gaur egungo Gradu eta Masterrei (1393/2007 dekretua) Europako unibertsitate-sistemak elkartzeko asmoarekin, Europako Goi-Mailako Hezkuntza-Espazioa eraikitzeko prozesuaren markoan.
Hori guztia dela eta, CODDII-k aurten ikasketa hauen eta lanbidearen heldutasuna ospatzen du, zentroek eurek beren aldetik antolatzen ari diren oroitzapenezko ekitaldiak osatzeko asmoz.
40. urteurrenaren ekitaldia |
|
|---|---|
CODDII elkarteko Asanblada Orokorra |
|
|---|---|
Hitzaldi akademikoa
Enpresen Mahai-ingurua
Teknologia hitzaldia
40. urteurreneko ekitaldi nagusia Kursaal-eko kubo txikiko
ganbara-aretoan izango da, Donostian
«Hondoa jotako bi arroka»
Horrela definitu zituen Rafael Moneo arkitektoak
Urumea ibai ahorako diseinatutako kubo zeharrargiak
Platinum
Azaroaren 2ko Kursaaleko ekitaldi honetan parte hartzeko interesa izanez gero,
honako formularioaren bidez eman behar duzu izena
Afaria ez dago sartuta honetan, inbitazio-bidez bakarrik antolatuko da